20 വർഷത്തെ കാത്തിരിപ്പിന് വിരാമം; അബ്ദുൽ റഹീം നാട്ടിലെത്തി
കോഴിക്കോട് ഫറോക്ക് സ്വദേശി അബ്ദുൽ റഹീം 20 വർഷത്തെ തടവുശിക്ഷയ്ക്ക് ശേഷം ഇന്ന് രാവിലെ കരിപ്പൂർ വിമാനത്താവളത്തിലെത്തി. വലിയ സ്വീകരണമാണ് റഹീമിന് ലഭിച്ചത്. വലിയ പെരുന്നാൾ ദിനത്തിൽ തന്നെ നാട്ടിലെത്താനായത് കുടുംബത്തിനും നാട്ടുകാർക്കും വലിയ ആശ്വാസമായി.
2006ൽ സൗദി ബാലൻ അനസ് അൽ ഫായിസിന്റെ മരണവുമായി ബന്ധപ്പെട്ട കേസിലാണ് റഹീം അറസ്റ്റിലായത്. ആദ്യം വധശിക്ഷ വിധിച്ചിരുന്നെങ്കിലും, പിന്നീട് ദിയാധനം നൽകി ശിക്ഷ ഒഴിവാക്കുകയായിരുന്നു. മലയാളികൾ ഒരുമിച്ച് സ്വരൂപിച്ച 34 കോടിയിലധികം രൂപയാണ് ദിയാധനമായി നൽകിയത്.
20 വർഷത്തെ തടവുശിക്ഷ പൂർത്തിയായതോടെയാണ് റഹീമിന്റെ മോചനം സാധ്യമായത്. വർഷങ്ങളുടെ കാത്തിരിപ്പിനൊടുവിൽ നാട്ടിലെത്തിയ റഹീമിനെ കണ്ണീരോടെയും സന്തോഷത്തോടെയും കുടുംബവും നാട്ടുകാരും വരവേറ്റു.
0 #type=(blogger):
ഒരു അഭിപ്രായം പോസ്റ്റ് ചെയ്യൂ