പൊന്നാനി . സസ്പെന്ഷനിലായ മലപ്പുറം മുന് എസ്.പി എസ്. സുജിത് ദാസിനും മറ്റ് ഉന്നത പോലീസ് ഉദ്യോഗസ്ഥര്ക്കുമെതിരേ ഞെട്ടിക്കുന്ന വെളിപ്പെടുത്തലുമായി വീട്ടമ്മ. എസ്പി സുജിത്ത് ദാസും മറ്റ് പോലീസ് ഉദ്യോഗസ്ഥരും ചേര്ന്ന് തന്നെ ബലാത്സംഗം ചെയ്തെന്നാണ് വീട്ടമ്മയുടെ പരാതി.സ്വത്ത് തര്ക്കവുമായി ബന്ധപ്പെട്ട പരാതി നല്കാനായി മലപ്പുറത് പോയത്. മലപ്പുറം മുന് എസ്.പി സുജിത് ദാസ്, തിരൂര് മുന് ഡിവൈ.എസ്.പി വി.വി. ബെന്നി, പൊന്നാനി മുന് സി.ഐ വിനോദ് എന്നിവര് പീഡിപ്പിച്ചെന്നാണ് പരാതിയില് പറയുന്നത്. ഇവര് പരസ്പരം കൈമാറിയായിരുന്നു പീഡനമെന്നും യുവതി മാധ്യമങ്ങളോട് വെളിപ്പെടുത്തി.
2022ലാണ് സംഭവം. പരാതി നല്കിയത് പൊന്നാനി സി.ഐ വിനോദിനാണ്. ഇയാളാണ് ആദ്യം വീട്ടിലെത്തി ബലാത്സംഗം ചെയ്തത്. ഈ പരാതി ഡി.വൈ.എസ്.പി ബെന്നിക്ക് കൈമാറിയെന്നും എന്നാല്, ബെന്നിയും വീട്ടിലെത്തി ഉപദ്രവിച്ചതായും ഇവര് പറഞ്ഞു
പരിഹാരം ഇല്ലാത്തതിനാല് മലപ്പുറം എസ്പിയെ കണ്ടു. എന്നാല് സുജിത് ദാസും തന്നെ ബലാല്സംഗം ചെയ്യുകയായിരുന്നു. പുറത്തുപറഞ്ഞാല് കൊന്നു കളയുമെന്ന് സുജിത് ദാസ് തന്നെ ഭീഷണിപ്പെടുത്തിയെന്നും വെളിപ്പെടുത്തലുണ്ട്.
തന്നെ എസ്.പിയുടെ വീട്ടില് ക്ഷണിച്ചുവരുത്തിയപ്പോള് അവിടെ സുഹൃത്തായ കസ്റ്റംസ് ഓഫീസറോടൊപ്പം മദ്യപിക്കുകയായിരുന്നു സുജിത് ദാസ്. തന്നെയും മദ്യം കഴിക്കാന് നിര്ബന്ധിച്ചതയും യുവതി. എന്നാല്, അവിടെ നിന്ന് താന് രക്ഷപ്പെട്ട് ഓടുകയായിരുന്നു.
മുഖ്യമന്ത്രി പിണറായി വിജയനെ അങ്കിളെന്നാണ് സുജിത് ദാസ് വിശേഷിപ്പിച്ചതെന്നും യുവതി മാധ്യമങ്ങളോട് പറഞ്ഞു. വീണ്ടും പരാതിയുമായി പോയാല് തന്നെ ഉപദ്രവിക്കില്ലേ എന്ന ഭയം കാരണമാണ് മുന്നോട്ട് പോകാതിരുന്നതെന്നും ഉപദ്രവിച്ച ആളുകളോട് തന്നെയല്ലേ പരാതി പറയേണ്ടതെന്നും ഇവര് ചോദിക്കുന്നു.
എസ്പിയെ കുറിച്ചുള്ള വാര്ത്തകള് പുറത്തുവന്നപ്പോഴാണ് ഇക്കാര്യം വെളിപ്പെടുത്താന് തീരുമാനിച്ചത്. ‘എനിക്ക് എംഎല്എയെ കാണണം, കുറെ കാര്യങ്ങള് പറയാനുണ്ട്. ഇനി ഒരു സ്ത്രീയെയും ഇവരാരും ഉപദ്രവിക്കരുത്. ഞങ്ങള് പാവങ്ങളും അവര് വലിയ പിടിപാടുള്ള ആളുകളും അല്ലേ. അതുകൊണ്ടാണ് എന്റെ കാര്യം തള്ളിക്കളഞ്ഞത്. മുഖ്യമന്ത്രിയെ അറിയാം, ഉന്നതരുമായി ബന്ധമുണ്ടെന്നൊക്കെ പറഞ്ഞു. വിനോദിന്റെ പേര് പറഞ്ഞതുപോലെ എന്റെ പേര് പറയരുതെന്ന് പറഞ്ഞു. പേടി കാരണം പറയില്ലെന്ന് വാക്കു കൊടുത്തു.’ -ഇവര് പറഞ്ഞു.
