താമരശ്ശേരിയിൽ ഫ്രഷ് കട്ട് ഫാക്ടറിക്ക് തീയിട്ടു; വൻ സംഘര്ഷം, എസ്പി ഉള്പ്പെടെ നിരവധി പൊലീസുകാര്ക്കും സമരക്കാര്ക്കും പരിക്ക്
കോഴിക്കോട് : താമരശ്ശേരിയിലെ ഫ്രഷ് കട്ട് അറവു മാലിന്യ സംസ്കരണത്തിനെതിരായ പ്രതിഷേധത്തിനിടെ സംഘര്ഷം. സംഘര്ഷത്തിനിടെ ഫ്രഷ് കട്ട് ഫാക്ടറിക്ക് തീയിട്ടു. സംഘര്ഷത്തിൽ പൊലീസുകാര്ക്കും നാട്ടുകാര്ക്കും പരിക്കേറ്റു. കോഴിക്കോട് റൂറൽ എസ്പി ഉൾപ്പെടെ നിരവധി പൊലീസുകാർക്കും സമരക്കാർക്കുമാണ് സംഘർഷത്തിൽ പരിക്കേറ്റത്. നാട്ടുകാർ നടത്തിയ പ്രതിഷേധമാണ് സംഘർഷത്തിൽ കലാശിച്ചത്. കല്ലേറിൽ താമരശ്ശേരി എസ് എച്ച് ഒ ഉൾപ്പെടെയുള്ളവർക്ക് പരിക്കേറ്റു. സംഘര്ഷത്തെതുടര്ന്ന് പൊലീസ് പ്രതിഷേധക്കാര്ക്കു നേരെ കണ്ണീര് വാതകം പ്രയോഗിച്ചു.
സ്ഥലത്ത് ഇപ്പോഴും സംഘര്ഷാവസ്ഥ തുടരുകയാണ്. പരിക്കേറ്റു ആശുപത്രികളിലേക്ക് മാറ്റി. പൊലീസ് കണ്ണീര് വാതകം പ്രയോഗിക്കുകയും ലാത്തിചാര്ജ് നടത്തുകയും ചെയ്തു.പരിക്കേറ്റ എസ്പിയെ കോഴിക്കോട് സ്വകാര്യ ആശുപത്രിയിലേക്ക് കൊണ്ടു പോയി. സംഘര്ഷത്തിൽ 20ലധികം പൊലീസുകാര്ക്കും നിരവധി സ്ത്രീകളും കുട്ടികളും അടക്കമുള്ള നാട്ടുകാര്ക്കുമാണ് പരിക്കേറ്റത്. നേരത്തെയും ഫ്രഷ് കട്ട് അറവുമാലിന്യ സംസ്കരണ കേന്ദ്രത്തിനെതിരെ വലിയ രീതിയിലുള്ളപ്രതിഷേധമുണ്ടായിരുന്നെങ്കിലും ഇത്രയം വലിയ സംഘര്ഷത്തിലേക്ക് പോയിരുന്നില്ല.
