നാളെ വൈകീട്ട് 6 മണിക്കാണ് മഞ്ചേരിയില് വച്ച് അന്വര് വിളിച്ച പൊതുസമ്മേളനം നടക്കുന്നത്. സമ്മേളനത്തില് ഒരു ലക്ഷം പേര് പങ്കെടുക്കുമെന്നാണ് പ്രതീക്ഷിക്കപ്പെടുന്നത്. ഒരു മതേതര പാര്ട്ടിയായിരിക്കും പുതിയ പാര്ട്ടി എന്നാണ് പി വി അന്വര് പറഞ്ഞത്.
സ്വതന്ത്രനായി മത്സരിച്ച് ജയിച്ച് എംഎല്എയായ അന്വറിന് പുതിയ പാര്ട്ടി രൂപീകരിക്കാനും അതില് അംഗമാകാനും കഴിയുമോ എന്നുള്ള ചര്ച്ചകളും സജീവമാകുകയാണ്.ഭരണഘടനയുടെ പത്താം ഷെഡ്യൂളിലാണ് നിയമസഭ, പാര്ലമെന്റ് അംഗങ്ങളുടെ അയോഗ്യതയെക്കുറിച്ച് പറയുന്നത്. ‘ഒരാള് ഏതെങ്കിലും രാഷ്ട്രീയ പാര്ട്ടിയുടെ സ്ഥാനാര്ത്ഥിയായല്ലാതെ തിരഞ്ഞെടുക്കപ്പെടുകയും തിരഞ്ഞെടുപ്പിന് ശേഷം ഏതെങ്കിലും പാര്ട്ടിയില് ചേരുകയും ചെയ്താല് അയാള്ക്ക് സഭാംഗമായി തുടരാനുള്ള യോഗ്യത നഷ്ടപ്പെടും’- എന്നാണ് ഇതില് പറയുന്നത്.
