എറണാകുളം : കോതമംഗലത്ത് സ്വിമ്മിങ്പൂളില് വീണ് മൂന്ന് വയസുകാരന് ദാരുണാന്ത്യം പൂവത്തം ചോട്ടില് ജിയാസിന്റെ മകന് അബ്രാം സെയ്ത് ആണ് മരിച്ചത്. അവധിക്കാലത്ത് കോതമംഗലം ജിയാസിന്റെ സഹോദരന്റെ വീട്ടില് എല്ലാവരും ഒത്തുകൂടിയിരുന്നു. അതിനിടെ കുട്ടിയെ കാണാതാകുകയായിരുന്നു. പിന്നാലെ നടത്തിയ തെരച്ചിലില് വീട്ടിനകത്തുള്ള സ്വിമ്മിംഗ് പൂളില് നിന്നും കുഞ്ഞിനെ കണ്ടെത്തി.
അവശനിലയിലായ കുട്ടിയെ തൊട്ടടുത്തുള്ള സ്വകാര്യ ആശുപത്രിയിൽ എത്തിച്ചത്. തുടര്ന്ന് കൊച്ചിയിലെ സ്വകാര്യ ആശുപത്രിയിലും എത്തിച്ചു. ചികിത്സയിലിരിക്കേ ഇന്ന് രാവിലെയാണ് കുട്ടി മരണപെട്ടു . പോസ്റ്റ്മോര്ട്ടത്തിന് ശേഷം മൃതദേഹം ബന്ധുക്കള്ക്ക് വിട്ടുനല്കും.
